एसियाली खेलकुदको तयारीमा रहेकी साग स्वर्ण विजेता चौधरी मृत फेला

काठमाडौं । १३ औं दक्षिण एसियाली खेलकुद (साग) की स्वर्ण पदक विजेता सञ्जु चौधरी मृत अवस्थामा फेला परेकी छन्। उनी हाल एसियाली खेलकुदको तयारीमा रहेकी थिईन् ।

केही दिन यतादेखि प्रशिक्षणकै क्रममा ललितपुरको महालक्ष्मी नगरपालिका ८ लुभुमा प्रशिक्षक सञ्जय महर्जनको घरमा बस्दै आएकी चौधरी मंगलबार बिहान मृत फेला परेकी  प्रहरीले जनाएको छ।

प्रहरीका अनुसार  बिहान साढे ५ बजे खबर आएको र घटनास्थलमा पुगेर हेर्दा मृत अवस्थामा फेला परेको जनाएको छ । प्रहरीका अनुसार सञ्जु सुतेको ढोकामा भित्रबाट चुकुल लगाइएको थियो भने झ्यालमा ग्रिल लगाइएको छ। घटनाबारे अनुसन्धान भइरहेको प्रहरीले जनाएको छ।

बाँकेको राप्ती सोनारी गाँउपालिका स्थायी घर भएकी  २३ वर्षिया सञ्जुले काठमाडौंमा भएको १३ औं सागमा भारोत्तोलनमा स्वर्ण पदक जितेकी थिइन्।