एकदिवसिय सिरिज : नेपालले टस जित्यो

काठमाडौं । जिम्बाब्बे ए  र नेपालबीचको अन्तिम तथा निर्णायक खेलमा नेपालले पहिला बलिङ राेजेको छ । कीर्तिपुरस्थित त्रिवि क्रिकेट मैदानमा नेपालका कप्तान सन्दिप लामिछानेले टस जितेर पहिला बलिङ गर्ने निर्णय लिएका हुन् । यस्तै, खेल ३३ ओभरको हुने जनाइएको छ । 

नेपाल र जिम्बाब्बे ए बीचको तीन एकदिवसिय सिरिज १–१ को बराबरी अवस्थामा छ । पहिलो खेलमा जिम्बाब्बे तीन विकेटले विजयी भएको थियो भने दोस्रो खेलमा नेपाल ९ विकेटको विजयी हुँदै शृंखला बराबरी गर्न सफल भएको थियो । 

अन्तिम खेलमा समेत लगातार जित निकाल्दै नेपाल शृंखला घरमै राख्न चाहन्छ । यता जिम्बाब्बे भने शृंखला जित्दै भ्रमय सुखमय बनाउन चाहन्छ ।