समूह चरणमा अस्ट्रेलिया अपराजित

काठमाडौँ  । एकदिवसीय महिला विश्वकपमा अस्ट्रेलिया समूह चरणमा अपराजित रहन सफल भएको छ। अस्ट्रेलियाले समूह चरणका सबै ७ खेल जित्ने क्रममा शुक्रबार बंगलादेशलाई ५ विकेटले पराजित गर्‍यो।पहिलो ब्याटिङ गरेको बंगलादेशले ४३ ओभरमा अलआउट हुँदै १३५ रन बनाएको थियो। जवाफमा उक्त लक्ष्य अस्ट्रेलियाले ६५ बल बाँकी हुँदै ५ विकेट गुमाएर पूरा गर्‍यो।

अस्ट्रेलियाको जितमा बेथ मोनीले अविजित ६६ रनको सानदार इनिङ खेलिन्। उनले ७५ बलमा ५ चौका प्रहार गरेकी थिइन्। त्यस्तै अनाबेल सुथरल्यान्डले २६ रनको नटआउट इनिङ खेलिन्। एलिसा ह्यलिले १५ रन बनाइन्। बंगलादेशकी सलमान खातुनले ३ विकेट लिए पनि बंगलादेशको हार टार्न सकिनन्।

त्यसअघि पहिलो ब्याटिङ गरेको बंगलादेशका लागि लता मोनडलको ३३ रन सर्वाधिक रह्यो। उनी बाहेक सरमिन अख्तरले २४ रन बनाउँदा रुमना अमेद र सलमान खातुनले १५-१५ रन बनाएका थिए।

प्रतियोगितामा अस्ट्रेलिया यसअघि नै सेमिफाइनल पुगिसकेको छ। दक्षिण अफ्रिका र अस्ट्रेलियाले सेमिफाइनलमा स्थान बनाउँदा अर्को दुई टोलीको टुंगो भारत र दक्षिण अफ्रिका तथा इङल्यान्ड र बंगलादेशको खेलले तय गर्नेछ।