टी–२० विश्वकप क्रिकेटमा भारत पाकिस्तानसँग पराजित

एजेन्सी । दुबईमा जारी टी–२० विश्वकप क्रिकेटमा भारत पाकिस्तानसँग पराजित भएको छ ।   सुपर १२ को खेलमा पाकिस्तानले भारतमाथि १० विकेटको जित दर्ता गराएको छ । 

गएराति सम्पन्न खेलमा भारतले प्रस्तुत गरेको १ सय ५२ रनको लक्ष्य पाकिस्तानले १७।५ ओभरमा भेट्यो ।  पाकिस्तानको जीतमा ओपनरद्वय मोहमद रिजवान र कप्तान बाबर आजमले अर्धशतकीय पारी खेलेका हुन् । 

रिजवानले ५५ बलमा  ७९ रन बनाए भने आजमले पनि ६८ रनको योगदान दिए । यसअघि भारतले टस हारेर पहिलो ब्याटिङ गर्दै २० ओभरमा ७ विकेट गुमाउँदै १ सय ५१ रन बनाएको थियो ।