सवा २ लाख नगदसहित तास खेलिरहेका ८ जना पक्राउ

गोरखा । प्रहरीले तास खेलिरहेका ८ जनालाई पक्राउ गरेको छ । गोरखा नगरपालिका-६ हरामटारीस्थित गणेश श्रेष्ठको घरमा तास खेलिरहेका उनीहरूलाई नगदसहित पक्राउ गरेको हो ।

सोही नगरपालिका-८ का ४४ वर्षीय वसन्त गुरुङसहित ८ जनालाई २ लाख २८ हजार ७ सय ३० रूपैयाँ र २ सय ८ पत्ती ताससहित पक्राउ गरिएको जिल्ला प्रहरी कार्यालय गोरखाले जनाएको छ ।

पक्राउ परेकाहरूको विषयमा थप अनुसन्धान भइरहेको छ ।