तुलसीपुर । दाङमा करेन्ट लागेर दुई दाजुभाइको आज मृत्यु भएको छ । जिल्ला प्रहरी कार्यालयका अनुसार घोराही उपमहानगरपालिका– १ हर्नोक निवासी १४ वर्षीय वीरबहादुर रावत र उहाँका १० वर्षीय भाइ तेजबहादुरको मृत्यु भएको हो ।
मकैबारीमा जङ्गली बँदेल मार्नका लागि थापिएको विद्युत्मा परेर मृत्यु भएको जिल्ला प्रहरी कार्यालय दाङका प्रहरी नायब उपरीक्षक सुमित खड्काले बताए । बँदेलले मकै सखाप पार्न थालेपछि त्यसलाई मार्न र धपाउनका लागि बारीमा विद्युत् लगिएको थियो । थापिएको विद्युत्को धरापमा बँदेल परेको छ कि भनेर बिहान बारीमा गएका भाइलाई करेन्ट लागेपछि छुटाउन जाँदा दुवैलाई करेन्ट लागेको प्रहरीले बताएको छ ।
छोरालाई करेन्ट लागेको देखेपछि बारीमा जानुभएका तिनका ३७ वर्षीय बुबा दिलबहादुरलाई पनि करेन्ट लाग्दा घाइते भएको प्रहरी नायब उपरीक्षक खड्काले बताए । उनको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।
प्रतिक्रिया दिनुहोस
रासस
सोमबार, १९ साउन २०७७, १४ : १३
लेखकबाट थप
सम्बन्धित समाचारहरु
स्याङ्जामा करेन्ट लागेर १ जनाको मृत्यु
दाङमा करेन्ट लागेर एकै घरका तीन जनाको मृत्यु
रौतहटमा करेन्ट लागेर १ जनाको मृत्यु
दार्चुलामा करेन्ट लागेर एक महिला गम्भीर घाइते
माछा मार्ने क्रममा ललितपुरमा करेन्ट लागेर एक जनाको मृत्यु
कालीकोटमा करेन्ट लागेर दुई जनाको मृत्यु