काठमाडौँ । दोलखाको विगु गाउँपालिका–२ ओराङमा खोलाले बगाउँदा एक दाम्पती बेपत्ता भएका छन् । विगु गाउँपालिका–२ ओराङ टाइवा निवासी ६५ वर्षीय रामजी विक र उनकी ६० वर्षीया श्रीमती बुद्धिमाया विकलाई खोलाले बगाउँदा बेपता भएको आफन्त उद्धव विकले जानकारी दिनुभयो ।
सोमबार बिहान घरदेखि तल खेतमा गएका ती दम्पती बीचमा रहेको टाइवा खोलाले बगाएको हुनसक्ने आफन्तहरुले बताएका छन् । सोमबार बिहान ती दम्पती खेतमा गएको र हालसम्म बेपत्ता रहेको इलाका प्रहरी कार्यालय सिङ्गटीले जनाएको छ ।
घटनास्थल पुगेको असई कैलाशकुमार श्रेष्ठको टोलीले टाइवा खोलादेखि तातोपानी दोभानसम्म खोजी गरेको र फेला नपरेको तथा खोजी भइरहेको जनाएको छ । इप्रका सिङ्गटीका प्रहरी निरीक्षक सुनजीत तामाङले बेपत्ता भएको पुष्टि भए पनि खोलाले नै बगाएको प्रमाण नभेटिएको बताए । दाम्पतीको चार छोरीहरु रहेको र सबैको विवाह भइसकेको बताइएको छ ।
प्रतिक्रिया दिनुहोस
रासस
मंगलबार, ३० असार २०७७, १९ : ३५
लेखकबाट थप
सम्बन्धित समाचारहरु
पौडी खेल्ने क्रममा आँधीखोलामा एक जना बेपत्ता
मलेसियामा बेपत्ता भएका गोपाल आठ वर्षपछि घर आइपुगे
महोत्तरीबाट १५ देखि २० वर्ष उमेर समूहका ५ किशोरी ३ दिनदेखि बेपत्ता
कीर्तिमानी आरोही तेन्जेन शिसापाङ हिमपहिरोमा परी बेपत्ता
सेती नदीमा डुबेर दुई बालक बेपत्ता
सेती नदीमा नुहाउने क्रममा दुई बालक बेपत्ता