काठमाडौं । सोमबार एकैदिन ३ सय ७० जना कोरोना संक्रमणबाट निको भएका छन् । निको भएका उनीहरु देशभरिका बिभिन्न अस्पतालबाट डिस्चार्ज भएका छन् । निको हुनेमा ३२ जना महिला र ३ सय ३८ जना पुरुष रहेका छन् । सोमबार निको भएकासहित निको हुनेको संख्या २ हजार १ सय ४२ जना पुगेका छन् ।
ती मध्येमा १ सय ६१ महिला र १९ सय ६१ पुरुष छन् । एकैपटक धेरै जना डिस्चार्ज भएको पहिलो पटक रहेको यस अघिका तथ्यांकले औल्याएका छन् । निको हुनेहरुमा दाङबाट ६, सुर्खेतबाट ६, जिल्ला अस्पताल कालिकोटबाट २८, दैलेखबाट २ सय ६५, सल्यानबाट ३७, नारायणी अस्पताल वीरगंजबाट ११ र धादिङबाट १७ जना छन् ।
सोमबार नै चौविस घण्टाभित्रमा थप ५ सय ३५ जनामा कोरोना संक्रमण पुष्टि भएको छ । पछिल्लो समय संक्रमितहरुको संख्या पनि दैनिक बढिरहेको छ । नयाँ संक्रमितसहित कुल संक्रमितको संख्या ९ हजार ५ सय ६१ पुगेको छ । ती मध्येमा ८ हजार ६ सय ६७ पुरुष र ८ सय ९४ महिला छन् । रसुवा बाहेक सवै जिल्लामा संक्रमण पुगिसकेको मन्त्रालयले जनाएको छ ।
सोमबार सवै भन्दा बढी पाल्पामा ९० जनामा कोरोना संक्रमण पुष्टि भएको छ । त्यसैगरी अन्य जिल्लाहरुमा कैलालीमा ५८, सर्लाहीमा ४७ जना, रौतहट र स्याङजामा ३५, प्युठानमा १९ छन् । सोमबार ६ हजार १ सय ९८ वटा पिसिआर बिधिबाट परीक्षण भएको थियो । हाल देशभरिमा ९० हजार ७ सय ३० जना क्वारेन्टिनमा र ७ हजार ७ सय ८९ जना आइसोेलेसनमा रहेका छन् । नागरिक दैनिकमा खबर छ ।
प्रतिक्रिया दिनुहोस
पत्रपत्रिकाबाट
मंगलबार, ०९ असार २०७७, ०७ : १७
लेखकबाट थप
सम्बन्धित समाचारहरु
थप ६ जनामा कोरोना संक्रमण
थप २१ जनामा कोरोना संक्रमण पुष्टि
थप १७ जनामा कोरोना संक्रमण
थप ५१ जनामा कोरोना संक्रमण पुष्टि
थप ५७ जनामा कोरोना संक्रमण पुष्टि
थप १७ जनामा कोरोना संक्रमण