एजेन्सी । क्रिस्टियानो रोनाल्डोको उत्कृष्ट गोलको मद्दतले उडिनेजेलाई पराजित गर्दै युभेन्टस सिजनमा शतप्रतिशत नतिजा कायम राखेको छ ।
बलात्कारको आरोप र विवादमा फँसिरहेका बेला पोर्चुगलका स्ट्राइकरले युभेन्टसलाई जीत दिलाउन महत्वपूर्ण भूमिका खेलेका हुन् ।
सिरिए ए च्याम्पियनलाई खेलमा अग्रता भने रोड्रिगो बेन्टाकुरले दिलाएका थिए ।
उडिनेजेका गोलकिपर सिमोन स्कफेटले थुप्रै महत्वपूर्ण बचाउ गरेका थिए, विशेष गरेर जोआ कान्सेलोको प्रयासलाई ।
यता, प्रतिबन्धका च्याम्पियन्स लिगको खेल गुमाएका रोनाल्डोले खेलमा शुरुवात गरेका थिए ।
युभेन्टसको आक्रमणमा महत्वपूर्ण भूमिका निभाएका रोनाल्डोको पहिलो प्रयास बारभन्दा माथि गएको थियो भने खेलको ३७ औँ मिनेटमा उनले युभेन्टसको दोस्रो गोल गरे ।
योसँगै मासिमिलानो एलेग्रीको टोलीले आठ खेलमा आठ जीत निकाल्न सफल भएको छ ।
प्रतिक्रिया दिनुहोस
एजेन्सी
आइतबार, २१ असोज २०७५, १० : १४
लेखकबाट थप