कोपा अमेरिकाको प्रारम्भिक टोलीमा समेत परेनन् डिबाला

काठमाडौं। एएस रोमाका फरवार्ड पाब्लो डिबाला कोपा अमेरिका फूटबल प्रतियोगिताको टोलीमा नपर्ने पक्का भएको छ ।अर्जेन्टिनी राष्ट्रिय टोलीका मुख्य प्रशिक्षक लियोनल स्कालोनीले हालै सार्वजनिक गरेको प्रारम्भिक टोलीमा डिबालाको नाम छैन । २९ जनामा समेत नाम नअटेपछि उनले कोपा अमेरिका नखेल्ने लगभग निश्चित भएको हो ।

कुनैबेला लियोनल मेसीको उत्तराधिकारीका रुपमा हेरिएका डिबाला राष्ट्रिय टोलीमा छायाँमा परिरहेका छन् । खेल्नेशैली मेसीसँग मिल्ने भएकाले उनले अवसर नपाएको विश्लेषण गरिएको छ ।

पछिल्लो समय डिबाला क्लब फूटबलमा पनि त्यति जम्न सकेका छैनन् । यसैले पनि उनी कोपा अमेरिकाको टोलीमा छनोट नहुने अवस्था आएको हो।सन् २०२१ मा अर्जेन्टिनाले कोपा अमेरिका जित्दा पनि डिबाला टोलीमा थिएनन् ।

डिबाला दुई वर्षअघि कतारमा भएको विश्वकप जित्दा भने टोलीमा थिए । उनले फ्रान्सविरुद्धको फाइनलको पेनाल्टी सुटआउटमा गोल गरेका थिए । कोपा अमेरिका यही आगामी जुन २० देखि जुलाई १४ सम्म अमेरिकामा हुँदैछ । 

कोपा अमेरिकाका लागि यस्तो छ अर्जेन्टिनाको प्रारम्भिक टोलीः