गायिका स्वेता सिंह हमालको नयाँ गीतको म्युजिक भिडियो 'मायाको बाटो' युट्युबमा सार्वजनिक गरिएको छ । लामो प्रतिक्षापछि सार्वजनिक गरिएको मिठो शब्दले भरिएको गीतको शब्द गायिका आफैले कोरकी हुन् भने कम्पोजिसन पनि उनीकै रहेको छ । सुन्दा अत्यन्त मेलोडियस लाग्ने गीत हेर्दा रोमान्टिक महसुस हुन्छ र सुनिरहुँ जस्तो लाग्दछ ।
सानैदेखि गायनमा रूची भएकी गायिका स्वेताका सुमधुर स्वरले भरिएका कैयन गीतहरू श्रोता दर्शकले अत्याधिक रूचाएका छन् । हाल सांगेतिक क्षेत्रमा ब्यस्त रहेकी गायिका स्वेताले कभर गरेको 'केहि मिठो बात गर' गीत युट्युब ट्रेडिङमा रहदै चर्चा कमाउन सफल भएको थियो । यस अघि पनि उनी चर्चित गायक स्वप्न सुमनको 'कफि सङ' मा अभिनय गरेर चर्चा कमाउन सफल भईसकेकी छिन् । गायिका स्वेताले आफ्नो म्युजिक भिडियो 'मायाको बाटो' मा आफैले अभिनय गरेकी छिन् भने म्युजिक भिडियोमा उनीलाई गोरखा, हरमटारी निवासी सान श्रेष्ठले साथ दिएका छन् । म्युजिक भिडियोमा डेब्यु गरेका सान श्रेष्ठको अभिनय पनि प्रसंशायोग्य रहेको छ ।
पहिलो म्युजिक भिडियोमा नै अब्बल अभिनय खुबी देखाएका तथा अनुभबी मोडेल जस्तो देखिने सान श्रेष्ठले पनि दर्शक श्रोताबाट सकरात्मक प्रशंसा पाउन थालिसकेका छन् । उनको अभिनय कला हेर्दा आगामी दिनहरूमा एउटा राम्रो मोडेल तथा कलाकारको रूपमा स्थापित हुने देखिन्छ । युट्युबमा सार्बजनिक भएको छोटो समयमा नै म्युजिक भिडियोलाई हजाराै दर्शकले हेरेर मन पराईसकेका छन् । निशा खालिङद्बारा निर्देशित म्युजिक भिडियोलाई अन्जन लिम्बुको छायांकन गरेका हुन् भने प्रसन्नसिंह कार्कीको सम्पादन रहेको छ ।
प्रतिक्रिया दिनुहोस